नवी दिल्ली - टाळेबंदी शिथिल झाल्यापासून कोरोनाबाधित रुग्णांची संख्या मोठ्या प्रमाणात वाढत असल्याचं दिसत आहे. गेल्या 24 तासात नव्या 8909 कोरोनाग्रस्तांची नोंद झाली असून ही संख्या एकादिवसातील सर्वाधिक आहे. कोरोनाग्रस्तांची एकूण संख्या 2 लाखांच्या पुढे गेली आहे. तसेच या विषाणूने आतापर्यंत 5815 लोकांचा बळी घेतला आहे. आरोग्य मंत्रालयाने जारी केलेल्या आकडेवारीनुसार कोरोना बाधितांची संख्या 2,07,615 झाली आहे. तसेच गेल्या 24 तासात 217 लोकांचा जीव गेला आहे. मात्र, समाधानाची गोष्ट म्हणजे आतापर्यंत 1,00,303 लोकांनी कोरोनावर यशस्वीपणे मात केली आहे. त्यामुळे रिकव्हरी रेट 48.31 टक्क्यांपर्यंत वाढला आहे.
पुण्याच्या बातम्या वाचण्यासाठी येथे क्लिक करा
भारत कोरोनाविरोधात चांगल्या पद्धतीने लढत असून सरकारने राबवलेल्या उपाययोजना प्रभावी ठरल्या आहेत. तसेच भारत अन्य देशांशी तुलना करता चांगल्या स्थितीत आहे. केवळ रुग्ण संख्येवर लक्ष न देता भारताच्या लोकसंख्येवरही लक्ष द्यायला हवं, असं आरोग्य मंत्रालयाचे संयुक्त सचिव लव अग्रवाल म्हणाले आहेत. युरोपातील 14 देशांची लोकसंख्या भारताच्या लोकसंख्येइतकी आहे. मात्र, तेथे मृत्यू होणाऱ्यांची संख्या मोठी आहे. covid-19 केसेसमध्ये भारताचा मृत्यू दर 2.82 आहे, तर जगाचा मृत्यू दर 6.13 टक्के आहे. वेळेत केलेल्या उपाय योजनांमुळे हे शक्य झाले आहे, असंही अग्रवाल म्हणाले आहेत.
महाराष्ट्र सर्वाधिक कोरोनाबाधित राज्य ठरलं आहे. महाराष्ट्रात कोरोना बाधितांची संख्या 72,300 च्या वरती गेली आहे. मंगळवारी 2287 नव्या कोरोना बाधितांची नोंद करण्यात आली असून 103 लोकांचा बळी गेला आहे. तर आतापर्यंत 31,333 लोकांनी कोरोना विषाणूवर मात केली आहे.
जगभरातील सर्वाधिक प्रभावित देशांमध्ये भारत सातव्या स्थानी आला आहे. अमेरिकेमध्ये सर्वाधिक कोरोनाबाधित असून आतापर्यंत 18 लाख लोकांना कोरोनाची बाधा झाली आहे. तसेच अमेरिकेत कोरोना विषाणूमुळे 1 लाख 5 हजारांपेक्षा अधिक लोकांचा बळी गेला आहे. त्यापाठोपाठ ब्राझिलमध्ये 5 लाख 26 हजार कोरोनाबाधित सापडले आहे. त्यामुळे सर्वाधिक कोरोना बाधित देशांमध्ये ब्राझिल दुसऱ्या क्रमाकांवर आहे. तिसऱ्या क्रमांकावर रशिया देश आहे. रशियामध्ये आतापर्यत 4 लाख 14 हजार कोरोनाग्रस्त सापडले आहेत. तर 4800 लोकांचा यात बळी गेला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.